Í morgun luku 10. bekkingar við síðasta samræmda prófið. Við óskum þeim til hamingju með áfangann!

Eftir hádegið safnaðist stór hluti árgangsins saman á skólalóðinni, pakkaði föggum sínum í rútur og hélt af stað í vorferð Garðalundar. Ferðinni var heitið í Þórsmörk þar sem nemendur mun njóta samveru og útivistar. Starfsmenn skólans óska hópnum góðrar ferðar og mikillar skemmtunar.

Þeir nemendur í 10. bekk sem ekki fara í Þórsmerkurferðina mæta í skólann kl. 8.50 á föstudaginn. Dagskrá þeirra byrjar á bókasafni skólans og mun hópurinn vinna verkefni um kvikmyndir.

Miðvikudaginn 7. maí fóru nemendur í 8. bekk út með kennurum og hreinsuðu umhverfi skólans. Garðyrkjudeild bæjarins lagði til hrífur og rusl var hreinsað á skólalóð, í kringum lækinn og út með hitaveitustokknum. Mikil þörf var á að hreinsa upp eftir veturinn og stóðu nemendur sig með stakri prýði. Þeir voru jákvæðir og vinnusamir og eiga hrós skilið fyrir verkið!

Vorpróf fara fram í Garðaskóla 29. apríl – 9. maí. Nemendur í 10. bekk þreyta samræmd próf og prófatafla 9. bekkjar tekur mið af þeim prófum þar sem fjölmargir nemendur í 9. bekk taka eitt eða fleiri samræmd próf. Í 8. bekk eru jafn mörg próf og í öðrum árgöngum en þar raðast fögin niður á aðra daga en í eldri bekkjunum. Prófatöflu má nálgast hér á hægri spássíu heimasíðunnar.

Athugið að miðvikudaginn 7. maí er upplestrarfrí í 10. bekk en nemendur í 8. og 9. bekk mæta í skólann skv. stundaskrá.

Prófahald hefur farið mjög vel af stað og við óskum öllum nemendum skólans góðs gengis!